Tokante

Tokante di Mary Pumpkin
Un bario ku habitantenan hopi amistoso

Mary Pumpkin ke éntretene, éduka i ínforma pa medio di kartun ku ta move. Tur e karakternan di e diferente partinan ta pártisipa den e kuenta total di Mary Pumpkin.

Den e arsenal di kuenta tin

  • Dr. Eazy ta papia
  • Un Dushi Mainta
  • Mai Chi ta konta
  • Shon Pronunsiashon
  • Papia Kòrsou ku lèsnan di Papiamentu
  • Shon Pe òf Sjonnie Pee un yu di Kòrsou ku ta biba na Hulanda
  • Tula den nos era moderno

E kartunnan por informa, eduka, entretene i prinsipalmente, algun di nan ta trata pa laga hende pensa di un otro manera.

Na Kòrsou tin diferente lugá ku nan nòmber a kambia pa Ingles. Por ehèmpel, “Blauwbaai” a bira “Blue Bay”.  

No ta tur nòmber ta tradusí, tin ku a kambia total: 

Loke nos tabata yama Bapor Kibrá a bira Seaquarium. Kokomo beach ta Vaarsenbaai. Mi tin sigur ku e lugá ei tin su nòmber na Papiamentu tambe. 

Un di e prómenan ku a bai ta Mansaliñaweg, of kaya Mansaliña. Awor nos ta kore riba Dr. Maarten Luther King Bulevar. 

Paso ma wak ku tin un tendensia pa kambia nòmber di lugá na Kòrsou pa Ingles, ma bin riba e idea pa Mary Pumpkin. Mary Pumpkin ta e bario di Mariepompoen (Maripampun na Papiamentu).  

Mi ta bai konta algun kuenta di e habitantenan i loke ta tene nan ókupa.   

Mariepompoen of Maripampun ta un fruta. Nunka mi a yega di wak un. Maripampun su kayanan tur tin nòmber di piska, pero e bario ta yamá na un fruta. 

Mi ta spera di wak un maripampun un dia.  

Ya pa un par di tempu kaba ma kuminsa animá e kuentanan den skètch chiki. Mi ta publika nan riba e site i riba  Youtube 

Sostenemi pa mi por sigui deleita boso.

Bo por sostenemi dor di kumpra un t-shirt di Mary Pumpkin den e tienda chÍki.

 

Tur kuenta ta fiktisio. No tin niun similaridat ku personanan eksistente. Nan por parse persona eksistente si.

Bishita Mary Pumpkin riba Facebook
Nos bario, bo bario amistoso

Mary Pumpkin ta riba Facebook tambe.

Dal un bishita i apresiá nos bario dor di duna nos un laik.

Bishita nos riba Facebook
background

E bario di Mary Pumpkin tin tur kos. Laman, airu fresku, restòurant chines, botika i te asta un supermerkado. Bishita Mary Pumpkin i tira un bista.

Valerie Engel, Manteniendo salud mental di e habitantenan

Wak nan riba Youtube
Mary Pumpkin lo no ta presenta mas komo buki, sino komo kartun ku ta move

Mary Pumpkin ta e kuenta gráfiko ánima na Papiamentu

background
Tuma kontakto ku nos
Bo tin pregunta?
Tuma kontakto